СТӘРЛЕТАМАҠ ЙӘМИҒ МӘСЕТЕ, С т ә р л е т а м а ҡ  б е р е н с е  й ә м и ғ  м ә с е т е, 1823—25 йй. сауҙагәр Ғ.Ғ.Ибраевтың аҡсаһына 1823 й. янған ағас мәсет (1800 й. сауҙагәр Ш.Урманцев аҡсаһына һалынған) урынында төҙөлә. Бина таштан, манаралы. 1861 й. яна; тергеҙелә. Ырымбур мосолман диниә назараты ҡарамағында була. Попечителдәр араһында сауҙагәрҙәр М.М.Рәмиев (ҡара: Рәмиевтар), Усмановтар һ.б. 1863 й. мәхәлләлә 3208 кеше иҫәпләнә, 1899 й. — 2644 кеше. Мәсет эргәһендә Стәрлетамаҡ мәҙрәсәһе эшләй. 1930 й. ябыла, бинаһы Стәрлетамаҡ район халыҡ мәғарифы бүлеге ҡарамағына тапшырыла, һуңынан һүтелә. Имам- хатиптары билдәле: ахундар С.Р.Рәмиев (1800 й. алып), Ш.З.Нагаев (1815 й. алып), К.Ш.Нагаев (1839— 90); Г.К.Нагаев (1892 й. алып).

Р.У.Абдрахманов, Н.О.Насирова

Тәрж. Ә.Н.Аҡбутина

Яндекс.Метрика