ЙЫЛАЙЫР ҠӘЛҒӘҺЕ, Йылайыр, 1755 й. Нуғай даруғаһы Бөрйән улусы башҡорттарының аҫаба ерҙәрендә Ялан Йылайыры й. уң ярында нығытмалы хәрби торама булараҡ нигеҙ һалына. Исеме йылғанан алынған. 1773 й. гарнизон составында 70‑кә яҡын һалдат иҫәпләнә. Й.ҡ. аша Ырымбур—Екатеринбург тракты үткән. Крәҫтиәндәр һуғышы (1773—75) барышында бер нисә тапҡыр баш күтәреүселәр һөжүме аҫтында була, өлөшләтә емерелә. 1774 й. йәйендә хөкүмәт ғәскәрҙәренең тупланыу үҙәктәренең береһенә әүерелә. 19 б. 2‑се ярт. хәрби әһәмиәтен юғалта. 1866 й. Орск өйәҙе Преображенск улусы терр‑яһында Йылайыр казак отряды булараҡ иҫәпкә алына (хәҙ. Баймаҡ р‑ны Крепостной Йылайыр а.).

Тәрж. М.Х.Хужин

Текст на русском языке

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.