ДӘМИНЕВ  Рөстәм  Риф  улы (2.6.1972,  Стәрлетамаҡ  ҡ.),  нефтехимик. БР ФА проф. (2016),  техник ф. д‑ры (2006). БР‑ҙың мәғариф отличнигы (2005). ӨДНТУ‑ны тамамлаған (1994). 1998 й. алып ӨДНТУ‑ның Стәрлетамаҡ филиалында: 2007 й. башлап дир. урынбаҫары, бер үк ваҡытта дөйөм химик технологиялар каф. мөдире, 2011 й. башлап директор. Фәнни хеҙмәттәре химик‑технологик процестарҙы (изомерлаштырыу,  гидрирлау һ.б.) интенсивлаштырыу өсөн физик ысулдарҙы ҡулланыу, электр‑магнит ҡыры эсендә файҙаланыу өсөн яраҡлаштырылған ҡаты хәлдәге  катализаторҙарҙы һ.б. эшләү м‑н бәйле. Д. ҡатнашлығында СВЧ‑нурланышы файҙаланылған технологиялар (эзбизташты үртәү, натрий амальгамаһын тарҡатыусы – гратонды реактивациялау, углеводородтарҙы каталитик дегидрирлау)  һәм углеводородтарҙы дегидрирлау өсөн электродинамик реактор; сода етештереүҙә барлыҡҡа килгән ныҡ минералланған ҡалдыҡ һыуҙарынан кальций пероксиды  алып утилләштереү алымы уйлап табыла. 150-нән ашыу фәнни хеҙмәт һәм 20 уйлап табыу авторы.

Хеҙм.: Гетерогенно-каталитические  промышленные  процессы  под  действием электромагнитного  излучения   СВЧ-диапазона.  М.,  2006 (авторҙ.).

Тәрж. Р.Ғ.Ғилманов

Текст на русском языке