ИҪӘН ХАН, Әсән хан, башҡ. ханы, башҡорттарҙың ирәкте ҡәбиләһе башлығы. Майҡы бей нәҫеленән. Ҡазан ханлығы тарханы. 16 б. 1‑се ярт. Башҡортостандың төньяғында байҡы (ҡара: Ун), балыҡсы, гәрә, ирәкте, ҡайпан (ҡара: Танып), таҙ, уран башҡ. ҡәбиләләре берләшмәһе етәксеһе. Беүә һәм Тере Танып йй. алып Ағиҙел һәм Бөрө йй. түбәнге ағымындағы терр‑яға тиклем үҙ власын урынлаштыра. Ҡазан ханлығын Иван IV ғәскәрҙәре яулап алғандан һуң И.х. урыҫ батшаһы подданныйлығын ала (ҡара: Башҡортостандың Рус дәүләтенә ҡушылыуы). И.х. ҡәбере Тәтешле р‑ны Иҫке Соҡор а. эргәһендә урынлашҡан.

Ю.М.Йосопов

Тәрж. Д.К.Үзбәков

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018