ИРНАЗАРОВА Ғәшүрә Хәйрулла ҡыҙы (15.3.1915, Ырымбур губ. Орск өйәҙе Темәс а. (БР‑ҙың Баймаҡ р‑ны) — 3.11.2000, Сибай ҡ.), актриса. БАССРҙың атҡ. артисы (1972). 1941 й. Башҡ. филармонияһы солисы, 1942—73 йй. Сибай ҡала драма театры актрисаһы.

И. тәүге, башлыса муз. спектаклдәрҙәге ролдәренә лиризм һәм хислелек хас: Сәрүәр (“Башмағым”; дебют, 1942), Айһылыу (“Һаҡмар”, С.М.Мифтахов), Ғәлиәбаныу (“Ғәлиәбаныу”), Таңсулпан (Ҡ.Даяндың ш. уҡ исемле драмаһы). Актриса ижадындағы артабанғы ролдәренең береһе — Шәмсинур (“Ул ҡайтты”, Ә.Ҡ.Атнабаев) — тәрән драматизм м‑н айырылып тора. Башҡ. халыҡ йырҙары “Ашҡаҙар”, “Ғилмияза”, “Ғүмәров”, “Зөлхизә” һ.б. оҫта башҡара. Бөтә Союз үҙешмәкәр сәнғәт радиофестивале лауреаты (1937).

Һ.С.Сәйетов

Тәрж. Г.Һ.Ризуанова

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018