ДИХЛОРЭТАН, 1,2‑дихлорэтан, этилендихлорид, ClCH2—CH2, туйындырылған галоген‑углеводород. Тығыҙлығы 1253 кг/м3, tиреү−35,3°С, tҡайнау 83,4°С булған төҫһөҙ шыйыҡса. Органик эреткестәрҙә — яҡшы, һыуҙа насар (0,87%) эрей; наркотик тәьҫиргә эйә, һауала ПДК‑һы 1 мг/м3 тәшкил итә. Хлор м‑н трихлорэтан, аммиак м‑н этилендиамин, һелтеләрҙең һыулы һәм һыу‑спиртлы эретмәләре м‑н винилхлорид һ.б. балыҡҡа килтерә. Башҡортостанда 20 б. 60‑сы йй. уртаһынан Стәрлетамаҡ химия з‑дында (ҡара: “Каустик”) 50—100°С т‑рала шыйыҡ фазала этиленды хлорлау ярҙамында (катализатор — хлорлы тимер) Д. етештерелә башлай. 90‑сы йй. уртаһынан алып Д. (ҡеүәте — йылына 120 мең т) этиленды хлорлап окисландырғанда хлороводородты һәм кислородты 210—260°С т‑рала пар фазаһында бер юлы тәьҫир иттереп (катализатор — баҡыр хлориды) алалар. Ректификацияланғандан һуң продукт таҙалығы 99,99% тәшкил итә. Винилхлорид, этилендиамин, полиэтиленполиаминдар, тиоколдар (ҡара: Полисульфидтар), метилхлороформ, тетрахлорэтилендар етештереүҙә — сеймал, елем һәм буяуҙар һ.б. етештереүҙә эреткес итеп ҡулланалар. РФ пр‑тиеларына (Түб. Тагил, Саянск ҡҡ.) оҙатыла, 1998 й. тиклем Финляндияға экспортлана.

Р.Н.Заһиҙуллин

Тәрж. Л.И.Шарапова

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018