ВИШНЕВСКАЯ Любовь Михайловна (27.7.1950, Октябрьский ҡ.), актриса, рәссам. РФ-тың атҡ. артисы (2005). РФ‑тың Театр эшмәкәрҙәре союзы ағзаһы (1978). Ҡазан театр уч-щеһын тамамлағандан һуң (1971; А.Д.Гусев курсы) 1974 й. тиклем — Урыҫ драма театры (Ижевск), 1975 й. алып — Димитровград драма театры, 1981 й. — Тула йәш тамашасы театры, 1983 й. башлап “Омнибус” Златоуст драма театры актрисаһы. Актрисаға эске драматизм, үҙенсәлеклелек, эскерһеҙлек һәм күтәренке рухта башҡарыу манераһы хас. Төп ролдәре: Лиза Бричкина (“Ә таңдар бында тыныс” — “А зори здесь тихие”, Б.Л.Васильевтың ш. уҡ ис. повесы б‑са; дебют, 1972, Урыҫ драма театры), Абби [“Ҡарама төбөндәге ғишыҡ” — “Страсти под вязами”, Ю.О`Нилдың “Ҡарама төбөндәге мөхәббәт” (“Любовь под вязами”) пьесаһы б‑са], Леди Хэф (“Бурҙар табыны” — “Бал воров”, Ж.Ануй), Дорина (“Тартюф”, Мольер) һ.б. Мадлен (“Ханымдар тангоһы” — “Дамское танго”, В.В.Асланова), Анна (“Уның алмас һәм зөбәржәттәре” — “Его алмазы и изумруды”, С.Л.Лобозёров), Памела (“Ҡәҙерле Памела” — “Дорогая Памела”, Д.Патрик) образдарына тәрән тәьҫирлелек, геройы холҡон күп яҡлы һәм көтөлмәгәнсә кәүҙәләндереү хас. В. репертуарында бигерәк тә А.П.Чехов әҫәрҙәре б‑са ролдәр айырылып тора: Маша (“Апалы- һеңлеле өсәү” — “Три сестры”), Аркадина (“Аҡсарлаҡ” — “Чайка”), Настасья Тимофеевна (“Тәҡдим” — “Предложение”, “Айыу” — “Медведь”, “Туй” — “Свадьба” пьесалары б‑са “Сихри туй тамашаһы” — “Сказочная феерия”). Рәсем сәнғәте һәм графика техникаһында картиналар яҙа. 1992 й. алып күргәҙмәләрҙә ҡатнаша. Шәхси күргәҙмәләре: Силәбе (1992, 1993), Златоуст (1993), Мәскәү (1995) ҡалалары. Эштәре Златоуст ҡала тыуған яҡты өйрәнеү музейында, сит илдәр шәхси йыйылмаларында һаҡлана. РСФСР‑ҙың Дәүләт пр. лауреаты (1991).

Ә.А.Балғажина

Тәрж. Г.Һ.Ризуанова

Текст на русском языке

Яндекс.Метрика