ГРАЖДАНЛЫҠ, физик шәхес м-н дәүләттең үҙ-ара хоҡуҡтар һәм бурыстар бергәлегендә сағылдырылған тотороҡло хоҡуҡи бәйләнеше. Г. эйә булыу – шәхестең закон тарафынан танылған барлыҡ хоҡуҡтар һәм иректәр м‑н тулыһынса тәьмин ителеүе, ил эсендә, ш. уҡ унан ситтә уның яҡланыуы тәүшарты.

БАССР‑ҙа Г. институты БАССР-ҙың 1937 (17-се статья) һәм 1978 (28-се статья) йылғы Конституцияларында нығытыла, улар б-са БАССР-ҙың һәр гражданы РСФСР һәм СССР гражданы була. Г. алыу һәм юғалтыу нигеҙҙәре, тәртибе СССР-ҙың Г. т-дағы законы м‑н билдәләнә. БССР-ҙың Г. т-дағы законы нигеҙендә БССР-ҙың 1990 й. 26 дек. законы м-н БССР Конституцияһына Г. мәсьәләләрен көйләүҙе билдәләүсе норма индерелә. Артабан, РФ-та Г. уртаҡ булыу принцибына нигеҙләнеп, БР Конституцияһынан БР Г. т‑дағы положениелар алып ташлана. РФ-тың 1993 й. Конституцияһына (6-сы, 17–64-се статьялар) һәм 2002 й. 31 майындағы “РФ гражданлығы тураһында” Федераль Законға ярашлы, Г. бәйле бөтә мәсьәләләрҙе федераль ҡануниәт көйләй.

В.К.Сәмиғуллин

Тәрж. Г.Ҡ.Ҡунафина

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018