ДЫУАН АГРАР ТЕХНИКУМЫ, Дыуан р‑ны Дыуан а. урынлашҡан. 1898 й. һөнәрселек училищеһы булараҡ асыла, 1918 й. алып 2‑се баҫҡыс мәктәп, 1930 й. — а.х. техникумы. 1983 й. техникум һәм “Дыуан” с‑зы базаһында “Дыуан” совхоз-техникумы ойошторола, 2000 й. хәҙ. исемен һәм статусын йөрөтә. Уҡытыу көндөҙгө һәм ситтән тороп уҡыу бүлектәрендә автомобиль транспортын техник ҡарау һәм ремонтлау, агрономия, а.х. механизациялау, ветеринария һөнәрҙәре б‑са алып барыла. Уҡыу-производство базаһы, китапханаһы, техникум тарихы музейы, баҡсаһы, 4 уҡыу оҫтаханаһы, стадионы, атыу тиры, саңғы базаһы, 2 ятағы, автотрактородромы һ.б. бар. 1930 й. алып 11 меңдән ашыу белгес әҙерләнгән (2011), улар араһында Г.В.Ваганов, Н.Ғ.Ғизбуллин, В.Д.Хужин, Р.Р.Әхмәтов.

Т.А.Фазлыев

Тәрж. Ә.Н.Аҡбутина

Текст на русском языке

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.