ИҪКЕ ҠАМЫШЛЫ, Кушнаренко р-нындағы ауыл, Иҫке Ҡамышлы а/с үҙәге. Район үҙәгенән К.‑Көнс. 36 км һәм Өфө т. юл ст. Т.‑Көнб. табан 30 км алыҫлыҡта Ҡамышлы й. (Ағиҙел й. басс.) буйында урынлашҡан. Халҡы: 1906 й. — 1658 кеше; 1920 — 1871; 1939 — 706; 1959 — 1074; 1989 — 784; 2002 — 752; 2010 — 701 кеше. Татарҙар, башҡорттар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.

Ауылға Нуғай даруғаһы Күл-Иле-Мең улусы башҡорттарының аҫаба ерҙәрендә яһаҡлы татарҙар (һуңынан улар типтәрҙәр ҡатламына күсә) нигеҙ һала; 1761 й. Ҡамышлы исеме м‑н билдәле. 1865 й. 138 йортта 849 кеше йәшәгән. Игенселек, малс‑ҡ м‑н шөғөлләнгәндәр. Мәсет, училище булған. 1906 й. мәсет, 5 бакалея кибете теркәлгән. 30‑сы йй. Ҡамышлы бүлендек ауылы (хәҙ. Яңы Ҡамышлы а.) барлыҡҡа килгәндән һуң хәҙ. исемен ала. Х.Мөхтәр ошо ауылда тыуған.

Тәрж. Р.Ғ.Ғилманов

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018