ЗИННУРОВ Рафаил Нариман улы [26.7.1953, БАССР‑ҙың Оло Теләк р‑ны Түб. Ләмәҙ а. (БР‑ҙың Иглин р‑ны)], хоҡуҡ белгесе, яҙыусы, скульптор. Юридик ф. д‑ры (2003), проф. (2006). БР‑ҙың атҡ. юрисы (2003). Журналистар союзы (1992), Яҙыусылар союзы (2004), Рәссамдар союзы (2006) ағзаһы. БДУ-ны тамамлағандан һуң (1981) БАССР‑ҙың прокуратура органдарында, 1991 й. алып БР ЮС‑ы Президиумы секретариатында, БР Президенты Хакимиәтендә эшләй; 1994 й. – БР Прокурорының айырым поручениелар б‑са ярҙамсыһы; 2002 й. — БР Хөкүмәте аппаратында. 2008 й. башлап БР Дәүләт Йыйылышы – Ҡоролтай рәйесе урынбаҫары. 2013 й. алып РФ Федераль йыйылышының Федерация советы ағзаһы. Фәнни тикшеренеүҙәре хоҡуҡ һаҡлау органдары эшмәкәрлеген ойоштороуҙың концептуаль нигеҙҙәренә һәм фәнни‑ғәмәли проблемаларына арналған. 100‑гә яҡын ашыу фәнни хеҙмәт авторы. З. этнографик һәм антропологик тикшеренеүҙәр нигеҙендә башҡорт ихтилалдары (17—18 бб.), 17—19 бб. индеецтар һуғышы юлбашсыларының скульптур портреттарын ижад итә. Шәхси күргәҙмәләре: Өфө (1998—99, 2001—02, 2004, 2011, 2015), Мәскәү (2015, 2017), Якутск (2017). Ш.Хоҙайбирҙин ис. пр. лауреаты (1993). Салауат Юлаев орд. (2013), 2‑се дәрәжә “Ватан алдында күрһәткән хеҙмәттәре өсөн” орд. миҙалы (2017) м‑н бүләкләнгән.

Хеҙм.: Башҡортостан юлы: эпик поэма. Өфө, 2007; Башкирские восстания и индейские войны — феномен в мировой истории. Уфа, 2001; Координационная деятельность российской прокуратуры: тенденции и закономерности. Уфа, 2002.

Тәрж. Ә.Н.Аҡбутина

Текст на русском языке

 

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.