ГУМАНИТАР ТИКШЕРЕНЕҮҘӘР ИНСТИТУТЫ, Республики Башкортостан, 2007 й. Өфөлә БР ФА-ның (2004 й. нигеҙ һалына) Милли һәм тел мөнәсәбәттәрен өйрәнеү үҙәге базаһында БР ФА-ның Г.т.и. булараҡ асыла, 2012 й. алып БР-ҙың Г.т.и. Эшмәкәрлегенең төп йүнәлештәре: демографик, милләт-ара, конфессия-ара, урбанистик, этносәйәси, тел процестары өлкәһендә тикшеренеүҙәр үткәреү; төрлө тарихи дәүерҙәрҙә Урал-Волга буйы этностары структураһындағы үҙгәрештәрҙең геосәйәси һәм соц. сәбәптәрен, полиэтник төбәктең трансформацияһы барышында телдәр үҫешенең экстра- һәм интралингвистик факторҙарын, төбәк идеологияһы үҫеше перспективаларын, федерализм һәм хәҙерге заман төбәк сәйәси системаһы проблемаларын, хәҙ. Башҡортостанда традицион йәмғиәттең структур элементтарын өйрәнеү; башҡорттарҙың традицион аңының төп һыҙаттарын анализлау; этник мәҙәни һәм этник тел процестарының трансформацияһы шарттарында матди булмаған мәҙәни мираҫты һаҡлау һ.б. Институт составында – 5 бүлек. 22 ғилми хеҙмәткәр араһында – 2 академик һәм 1 БР ФА-ның мөхбир ағзаһы, 5 фән д‑ры һәм 19 фән. канд. (2011). Институт ҡатнашлығында “Хәҙерге заман Рәсәй йәмғиәтен туплау факторы булараҡ мәҙәниәт-ара коммуникация: проблемалары һәм үҫеш юлдары” Халыҡ-ара ғилми-ғәмәли конф., “Башҡортостанда милләт-ара мөнәсәбәттәр: тарихи һәм социаль-мәҙәни аспекттары” Төбәк-ара ғилми-ғәмәли конф., “Традицион йәмғиәтте яңыртыу перспективалары” Бөтә Рәсәй ғилми-ғәмәли конф. (бөтәһе лә — 2011) һ.б. үткәрелгән. 150-нән ашыу фәнни эш, ш. иҫ. 7 монография (2011), нәшер ителгән. БР ФА-ның, РФА-ның ғилми учреждениелары, БР‑ҙың, РФ‑тың институттары һәм юғары уҡыу йорттары м-н хеҙмәттәшлек итә. Дир.: М.Ж.Кейекбаев (2007 й. алып), Д.М.Абдрахманов (вазифа башҡарыусы, 2008 й. алып), И.З.Солтанморатов (вазифа башҡарыусы, 2009 й. алып).

М.Ж.Кейекбаев

Тәрж. Ә.Н.Аҡбутина

Текст на русском языке

Яндекс.Метрика