АБСАТАРОВА Гүзәл Рәшит ҡыҙы (1.10.1957, Өфө), бейеүсе. РФ‑тың атҡ. (1998), БАССР‑ҙың халыҡ (1989) һәм атҡ. (1986) артисы. Рәсәй театр сәнғәте акад. тамамлаған (1996; педагогтары Е.П.Валукин, Л.М.Таланкина). 1973 й. алып Ғәскәров Ф. исемендәге халыҡ бейеүҙәре ансамбле солисы, 1991 й. — уҡытыусы‑репетиторы, бер үк ваҡытта 2004 й. алып Көнсығыш иҡт.-юридик гуманитар акад. һәм 2008 й. — БДПУ уҡытыусыһы. Тәбиғи нәзәкәтлелеге һәм драматик таланты м‑н айырылып тора. Нәфислек һәм театраллек — бейеүсе ижадының төп үҙенсәлектәре. Яңғыҙ “Заһиҙә” (ҡара: “Мөғлифә”) бейеүен һәм “Азамат”, “Арагон хотаһы”, “Бөрйән ҡыҙҙары”, “Дуҫлыҡ”, “Ете ҡыҙ”, “Ҡумыҙ менән бейеү” һ.б. күмәк бейеүҙәрҙә партиялар башҡара.

М.А.Таһирова

Тәрж. Г.Р.Ҡунафина

 

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018