БРИОЛОГИЯ (гр. bryon — мүк һәм ...логия), ботаниканың мүктәрҙе өйрәнеүсе бүлеге. Мүктәрҙең морфол., анатомияһын, эмбриологияһын, физиол., биохимияһын, мүк һымаҡтар төрҙәренең һәм бергәлектәренең экологияһын һәм геогр. өйрәнә. Башҡортостан мүктәрен тикшереү тәүге тапҡыр 19 б. аҙ. үткәрелә (Ю.Шелль, О.А.Федченко, Б.А.Федченко). 20 б. 1‑се ярт. мүктәр Өфөлә (чех тикшеренеүсеһе И.Подпера) һәм Башҡорт ҡурсаулығында (Е.А.Селиванова‑Городкова, Р.Н.Шляков) өйрәнелә. Бөйөк Ватан һуғышы йылдарында Башҡортостан (Көньяҡ) Уралының һәм Башҡортостандың Урал алды бриофлораһын украин ботаниктары А.Ф.Бачурина һәм Д.К.Зеров өйрәнә. 80‑се йй. аҙ. ботаниктар М.С.Игнатов һәм Е.А.Игнатова, А.Д.Потёмкин респ. бриофлораһы б‑са 1‑се сводкаларҙы (яҡынса 400 төр) эшләй. Биология институтында Э.З.Байышева тарафынан Башҡортостандың урман зонаһы бриобергәлектәренең классификацияһы төҙөлә, экологик мониторинг һәм биотөрлөлөккә баһа биреү өсөн мүк һымаҡтарҙы ҡулланыу ысулдары тикшерелә.

Әҙәб.: Игнатова Е.А., Игнатов М.С. Мхи Башкирии: предварительный список видов и фитогеографические заметки //Бюллетень Московского общества испытателей природы. Отдел биологический. 1993. Т.98. Вып.1; Баишева Э.З., Потёмкин А.Д. К флоре печёночных мхов Башкирии //Ботанический журнал. 1998. Т.83. №9.

Э.З.Байышева

Тәрж. М.Н.Моратшина

Текст на русском языке

Яндекс.Метрика