“БАШҠОРТ ХАЛЫҠ ИЖАДЫ” (“Башкирское народное творчество”), башҡ. фольклоры өлгөләрен системалаштырған ғилми баҫманың (ҡара: “Башҡорт халыҡ ижады”) урыҫ теленә тәржемәһе. Тарих, тел һәм әҙәбиәт институтының Н.Т.Зарипов етәкс. фольклорсылар коллективы 1987—2010 йй. эшләй. 12 томдан тора: “Эпос” (1‑се т., 1987; төҙөүсеһе М.М.Сәғитов); “Риүәйәттәр һәм легендалар” (2‑се т., 1987; төҙөүсеһе Ф.А. Нәҙершина); “Батырҙар т‑да әкиәттәр” (3‑сө т., 1988); “Тылсымлы әкиәттәр. Хайуандар т‑да әкиәттәр” (4‑се т., 1989; икеһенең дә төҙөүсеһе Зарипов); “Көнкүреш әкиәттәре” (5‑се т.; 1990); “Шаян әкиәттәр һәм көләмәстәр” (6‑сы т., 1992; икеһенең дә төҙөүсеһе Ә.М.Сөләймәнов); “Мәҡәлдәр, әйтемдәр, ырымдар, йомаҡтар” (7‑се т., 1993; төҙөүсеһе Нәҙершина); “Йырҙар” (Окт. рев‑яһына тиклемге осор) (8‑се т.; 1995; төҙөүсеһе С.Ә.Галин); “Совет осоро йырҙары” (9‑сы т., 1996; төҙөүселәре Б.С.Байымов, М.Ә.Мәмбәтов); “Тарихи эпос” (10‑сы т., 1999; төҙөүсеһе Зарипов); “Бәйеттәр” (11‑се т., 2004; төҙөүсеһе Байымов); “Йола фольклоры” (12‑се т., 2010; төҙөүселәре Сөләймәнов, Р.Ә.Солтангәрәева). Һәр том инеш мәҡәлә, фәнни аңлатма, ҡыҫҡаса тасуирлама, сәсәндәр т‑да мәғлүмәттәр, һүҙлек, эпик персонаждар күрһәткесе һ.б. м‑н бирелә.

Н.Т.Зарипов, Г.Р.Хөсәйенова

Тәрж. Ю.Ғәримов

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018