БАШКИРСКАЯ 9, яҙғы йомшаҡ бойҙай сорты. 1972 й. Н.Х.Сәғитов һәм Е.Г.Пахомова (БНИИСХ) тарафынан ҡатмарлы гибридлаштырыу һәм индивидуаль һайлап алыу ысулы м‑н сығарылған. Һабағының бейеклеге 1,1 м тиклем. Башағы 10—12 см оҙонлоҡта, аҡ, цилиндр формаһында, ҡылсыҡһыҙ, тығыҙлығы уртаса, тәңкәләре төкһөҙ. Орлоғо ҡыҙыл. 1000 орлоғоноң ауырлығы 38—40 г. Аҡһым миҡдары 13,3—15,3%, елемсә — 29—31%. Сорт йығылыуға һәм ҡоролоҡҡа сыҙамлы, саң тороно м‑н зарарланмай. Вегетация осоро 90—95 көн. Уңдырышлылығы 33 ц/га (Дыуан сорт һынау участкаһы, 1978). БАССР б‑са 1972 й. ҡулланылышҡа индерелгән, Урал аръяғы дала зонаһында һәм Урал алды дала зонаһында үҫтерелә.

Н.Р.Бәхтизин

Тәрж. М.Н.Моратшина

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018