БАРБАРИС (Berberis), барбарис һымаҡтар ғаиләһенә ҡараған үҫемлек заты. Яҡынса 500 төрө билдәле, Евразияла, Төньяҡ Африкала һәм Америкала таралған. Башҡортостанда ябай Б. үҫә. Япраҡ ҡойоусы, тармаҡлы, һары үҙағаслы 2,5 м тиклем бейеклектәге ҡыуаҡ. Япрағы кире йомортҡа формаһында, осло бысҡы ситле, аҫ яҡтан селтәрле; оҙон үренделәрҙә сәнскеләргә әүерелгән, уларҙың ҡуйынында ҡуйы япраҡ шәлкемле ҡыҫҡа үренделәр үҫешә. Сәскәһе һары, дөрөҫ төҙөлөшлө, ике енесле, тәлгәштәргә йыйылған. Июндә сәскә ата. Емеше — сағыу ҡыҙыл еләк, сент. өлгөрә. Декоратив үҫемлек, баллы үҫемлек. Япраҡтары һәм тамыры — медицинала, емеше кондитер сәнәғәтендә һәм тәмләткес итеп кулинарияла ҡулланыла. Ҡабығы һәм емештәре составында тирене һәм йөндө һарыға буяусы матдәләр бар.

С.С.Хәйретдинов

Текст на русском языке

Тәрж. Г.А.Миһранова

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018