ФЕНИНА Эвелина Павловна (10.11. 1929, Троицк ҡ. — 28.6.2014, Өфө), сәнғәт ғилеме белгесе. БАССР‑ҙың атҡ. сәнғәт эшмәкәре (1979). Рәссамдар союзы ағзаһы (1961). Ленинград ун‑тын тамамлағандан һуң (1953) БДХМ‑да эшләй (1957 й. алып өлкән ғилми хеҙм‑р). 1976—2011 йй. БДПУ‑ла уҡыта. Фәнни эшмәкәрлеге Нестеров М.В. исемендәге художество музейы йыйылмаһының айырым коллекцияларын өйрәнеүгә һәм каталогтарын төҙөүгә, башҡ. һынлы сәнғәтен тикшереүгә бәйле. 200‑ҙән ашыу фәнни хеҙмәт, ш. иҫ. М.Н.Елгаштинаның (1953), В.С.Сыромятниковтың (1961) шәхси күргәҙмәләре, М.В.Нестеровтың БДХМ‑да һаҡланған эштәренән юбилей күргәҙмәһе (1962), Башҡортостан рәссамдарының отчёт һәм юбилей күргәҙмәләре каталогтары, “Социалистик Урал” зональ күргәҙмәләре каталогтарына мәҡәләләр (бөтәһе лә — 1950—70 йй.), уҡыу‑методик эштәр авторы.

Х е ҙ м.: Башкирский государственный художественный музей им. М.В.Нестерова: путеводитель. Уфа, 1981; Художники Башкортостана. ХХ век. Уфа, 2002.

Әҙәб.: И г н а т е н к о С.В. Научно‑исследовательская работа в БГХМ им. М.В. Нестерова. История, реальность, перспективы // Сообщения Башкирского государственного художественного музея имени М.В.Нестерова: юбил. изд. Уфа, 2001.

В.М.Сорокина

Тәрж. Г.Һ.Ризуанова

 

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018