ФАЙРУШИН Иван Сергеевич (15.11.1950, БАССР‑ҙың Бөрө р‑ны Бахтыбай а. – 4.7.2006, Өфө, тыуған ерендә ерләнгән), график. Рәссамдар союзы ағзаһы (1996). Мәскәү полиграфия ин‑тын тамамлағандан һуң (1980) “Китап” нәшриәтенең, 1993 й. алып “Восток”, 1994—95 йй. “Светлячок” (“Баҙлауыҡ”, бөтәһе лә – Өфө), 1998—2006 йй. “Бельские просторы” ж. художество мөхәррире. Башлыса китап графикаһы өлкәһендә эшләй. С.Алексеевтың “Урыҫтар тарихынан йөҙ хикәйә” (“Сто рассказов из русской истории”; 1980), Ғ.Й.Рамаҙановтың “Байраҡ хаҡында поэма” (1987) китаптарын, “Сәләм һиңә, Башҡортостан” (1983), “Башҡортостан халыҡтарының әкиәттәре” (“Сказки народов Башкортостана”; 1993) шиғри йыйынтыҡтарын, И.М.Гвоздикованың “Салауат Юлаев. Документаль сығанаҡтарҙы тикшереү” (“Салават Юлаев. Исследование документальных источников”; 1992) һәм “Башҡортостан Е.И.Пугачёв етәкселегендәге Крәҫтиәндәр һуғышы йылдарында һәм унан алда” (“Башкортостан накануне и в годы Крестьянской войны под предводительством Е.И.Пугачёва”; 1999) китаптарын, “Мостай Кәрим. Тормошо һәм ижады” (“Мустай Карим. Жизнь и творчество”; 2000) фотоальбомын биҙәй. “Башҡортостан”, “Слово” һ.б. нәшриәттәр м‑н хеҙмәттәшлек итә. 1979 й. алып күргәҙмәләрҙә, 1981 й. — халыҡ‑ара күргәҙмәләрҙә ҡатнаша. Эштәре БДХМ, Мари Эл Респ. Т.Евсеев ис. Милли музейы (Йошкар‑Ола) коллекцияларында, Рәсәйҙә шәхси йыйылмаларҙа һаҡлана. Мәскәү халыҡ‑ара китап күргәҙмә‑йәрминкәһе (1981), Бөтә Рәсәй “Китап сәнғәте” (“Искусство книги”; 1987), Миниатюр китаптар (1991; бөтәһе лә — Мәскәү) конкурстары дипломанты.

М.Л.Әхмәҙуллин

Тәрж. Г.Һ.Ризуанова

Текст на русском языке

Яндекс.Метрика