“ФОЛЬКСКЛАНГ(“Халыҡ сыңы”), немец фольклор ансамбле. 1956 й. Благовар р‑ны Алексеевка мәҙәниәт йорто эргәһендә ойошторола, 1966 й. алып шул уҡ райондың Пришиб а. мәҙәниәт йорто эргәһендә эшләй. 1990 й. “халыҡ” исемен ала. 2002 й. “Ф.” эргәһендә “Колядки” балалар немец фольклор ансамбле (етәксеһе К.С.Мирхәйҙәрова) ойошторола.

Репертуарында немец халыҡ йырҙары (“Йәшел, йәшел”, “Ах, матур йәшлек!”, “Ах, Изабелла”, “Тыуған ер”, “Эштәр күп”), ш. иҫ. немец телендә башҡарылған ерләү (“Туғандар, мин юлда”) һәм туй (“Матур йәшел венок”, “Йәшлек веногы”) йолаһы йырҙары. Рәсәй, Германия буйлап гастролдәрҙә була. Халыҡ-ара немец мәҙәниәте фестивале (Камышин ҡ., 1992), “Һаумы, XXI быуат!” респ. халыҡ ижады фестиваль‑эстафетаһы (2001), “Башҡортостан аҫылташтары” (“Самоцветы Башкортостана”; 2002) халыҡ ижады фестивале лауреаты; “Дуҫлыҡ сәскәлеге” (“Соцветие дружбы”; 2003; бөтәһе лә – Өфө) Респ. үҙешмәкәр художестволы ижад халыҡ коллективтары фестивале һ.б. дипломанты. Ойоштороусыһы – Ф.Г.Едих. Художество етәкселәре: Н.К.Войтенко, С.И.Краснова, С.С.Кунц, Мирхәйҙәрова.

Илл.: “Фолькскланг” немец фольклор ансамбле

Тәрж. Р.Р.Абдрахманов

Текст на русском языке

Яндекс.Метрика