ФӘХРУЛЛИНА Резида Рауил ҡыҙы (1.4.1962, БАССР-ҙың Илеш р‑ны Үрге Маншыр а.), актриса. БР‑ҙың (2003) һәм ТР‑ҙың (2006) халыҡ, БР‑ҙың атҡ. (1995) артисы. Театр эшмәкәрҙәре союзы ағзаһы (1992). ӨДСИ‑не тамамлағандан һуң (1986, Ф.Ҡ.Ҡасимова курсы) БАДТ, 1991 й. алып Өфө “Нур” татар театры актрисаһы, бер үк ваҡытта 2007 й. башлап ӨДСИ‑лә уҡыта. Лирик-драматик актриса. Башҡорт драма театрында: Әлиә (“Майҙан тотабыҙ”, Н.Асанбаев; дебют, 1986), Гөлзифа (“Башҡорт туйы”), Илфирә (“Аманатҡа хыянат”, Ф.В.Боғҙанов); “Нур” театрында төп ролдәре: Джульетта (“Ромео һәм Джульетта” — “Ромео и Джульетта”, У.Шекспир), Гөлсөм [Ғ.Исхаҡиҙың “Көҙ” повесы б‑са ш. уҡ исемле спектакль], Зөлфиә (“Һаҡлайыҡ әле күңел хистәрен”, Р.Ҡол‑Дәүләт) һ.б. Шәмсиғаян (“Өс аршин ер”, А.М.Ғиләжев), Мәҙинә (“Ай булмаһа, йондоҙ бар”, Т.Ғ.Миңнуллин), Дилбәр (“Гүргә инер сер ине”, Р.М.Кинйәбаев) ролдәре характерҙы тәрән аңлау, геройының эске донъяһын, уның фажиғәле яҙмышын тулыһынса асып биреү м‑н айырыла. Ф. иң күренекле ролдәренең береһе — Ольга образын [А.П.Чеховтың “Апалы-һеңлеле өсәү” (“Три сестры”) пьесаһы мотивтары б‑са Л.‑М. Зайкаускастың “Өс һеңле. Йылдар уҙғас...” спектакле] сағыу драматик экспрессия, тәьҫирле пластика, киҫкен психологизм м‑н кәүҙәләндерә. “Көлһәң — көл, көлмәһәң — ила”, “Үткәндәрҙең моңо ҡайтһын йәшлеккә”, “Сихри йәшлек” һ.б. театрлаштырылған тамашалар режиссёры. “Ике алыҫ—яҡын ҡыш” (“Две далёкие-близкие зимы”; “Башҡортостан” к/ст, 1996) к/ф төшә. “Наурыҙ” Халыҡ-ара төрки халыҡтар театр фестивале лауреаты (Ҡазан, 1998).

Әҙәб.: Н у р т д и н о в Р. К вершинам созидания. Уфа, 2005; И к с а н о в а Г. О театре И не только: очерки, интервью, рец. Уфа, 2006.

А.Ә.Балғазина

Тәрж. Г.Һ.Ризуанова

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018