ФӘСХЕТДИНОВ Ридик Әхмәт улы (16.3.1940, БАССР‑ҙың Баймаҡ р‑ны Темәс а.), баянсы. РСФСР‑ҙың атҡ. (1989), БАССР‑ҙың халыҡ (1982) һәм атҡ. (1974) артисы. Ә.Ә.Фәсхетдиновтың ағаһы. Өфө сәнғәт уч‑щеһын тамамлағандан һуң (1962; П.С.Петров класы) Башҡ. дәүләт халыҡ бейеүҙәре ансамбле (ҡара: Ғәскәров Ф. исемендәге халыҡ бейеүҙәре ансамбле) концертмейстеры. 1975 й. алып Башҡ. филармонияһының баянсы-солисы, 2004—10 йй. Милли халыҡ музыка ҡоралдары оркестры солисы. Башҡарыу сәнғәте сағыу импровизация, муз. әҫәрҙәрҙе тәьҫирле һәм хис‑тойғоло, үҙенсәлекле интерпретациялау, камил башҡарыу техникаһы, юғары аккомпаниаторлыҡ оҫталығы м‑н айырыла. Репертуарында Н.Я.Чайкиндың Баян м‑н оркестр өсөн концерты, башҡ. халыҡ йырҙары һәм инструменталь көйҙәре эшкәртмәләре, ш. иҫ. үҙ эшкәртмәһендәге “Төйәләҫ” йыры, Х.Ф.Әхмәтов, Н.Ә.Дауытов, З.Ғ.Исмәғилев, А.С.Ключарёв, Р.М.Хәсәнов һ.б. әҫәрҙәре, башҡ., татар, урыҫ, афған, венгр, монгол, пакистан халыҡ музыҡаһы темаларына попурри. Мәскәүҙә Башҡорт әҙәбиәте һәм сәнғәте аҙнаһында (1961), Мәскәү—Дрезден—Рим—Флоренция—Венеция—Варшава маршруты б‑са “ЮНЕСКО‑ның донъя мәҙәни ҡаҙаныштары. Цивилизациялар диалогы” экспедицияһында (2002) ҡатнаша. СССР, Рәсәй буйлап һәм донъяның 24 илендә гастролдәрҙә була. Халыҡ‑ара халыҡ музыка ҡоралдары оркестрҙары һәм ансамблдәре конкурс‑фестивале дипломанты (Магнитогорск ҡ., 2007). Салауат Юлаев орд. м‑н бүләкләнгән (2015).

Г.Ә.Ишкинина

Тәрж. Г.Һ.Ризуанова

 

Текст на русском языке

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.