ҮҘӘК БАЛАЛАР КИТАПХАНАҺЫ. Өфөлә урынлашҡан. 1928 й. Өфөнөң 7‑се балалар китапханаһы булараҡ асыла, 1961 й. Ш.Ә.Хоҙайбирҙин исеме бирелә, 1974 й. алып Ш.Ә.Хоҙайбирҙин ис. Ҡала үҙәк балалар китапханаһы. 1977 й. башлап Өфө балалар китапханаларының үҙәкләштерелгән системаһы составына инә. Фондта 160 меңдән ашыу һаҡлау берәмеге (2015), ш. иҫ. 110 меңдән ашыу китап (башҡ. һәм РФ халыҡтарының башҡа телдәрендә), 3 меңдән ашыу аудио- һәм видеоматериал, 649 электрон баҫма; 515 ваҡытлы баҫма бар. Йыл һайын 6 меңдән ашыу уҡыусыны хеҙмәтләндерә. Яҙыусылар һәм журналистар м‑н осрашыуҙар, хәйриә акциялары, әҙәби байрамдар, яңы китаптарҙың презентациялары, фестивалдәр һәм балаларҙың шиғыр уҡыу конкурстары һ.б. үткәрелә. Ү.б.к. м‑н БАССР‑ҙың атҡ. мәҙәниәт хеҙм‑рҙәре М.Д.Агеева, М.Л. Байбурина, З.Г.Моратова, БР‑ҙың — Т.И.Зюсько, Н.А.Мамаева, Р.Т. Миһранова һ.б. эшмәкәрлеге бәйле.

А.З.Юнысова

Тәрж. Г.Һ.Ризуанова

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.