“УМЫРЗАЯ”, Ҡыйғы район мәҙәниәт йортоноң вокаль‑инструменталь ансамбле. 1982 й. Үрге Ҡыйғы а. В.И.Ленин ис. колхоз клубы эргәһендә ойошторола, 1988 й. алып хәҙ. статусын йөрөтә. 1987 й. “халыҡ” исемен ала. Составына БР‑ҙың атҡ. мәҙәниәт хеҙм‑рҙәре Р.З.Хәсәнов (вокал), В.М.Шәрифуллин (вокал, синтезатор, гитара, мандолина), М.Я.Шәрифуллина (бейеү); Р.Х.Вәлиев, Р.М.Ғарипова, А.Н.Камалов, А.Н.Мостафин, И.Р.Шәрифуллина (бөтәһе лә — вокал), Э.Я.Ғибаҙул- лина, Р.Р.Солтанов, З.Я.Хәйруллина (бөтәһе лә — бейеү), В.И.Хажиев (гармун), Р.В.Шәрифуллин (гитара, ҡумыҙ) инә. Репертуарында башҡ. (“Буранбай”, “Ҡара юрға”, “Сибай”, “Урал”), татар (“Ар”, “Һандуғасым”, “Сарман”) халыҡ йырҙары; башҡ. һәм татар композиторҙары (Р.Х.Ғәзизов, Р.В.Сәлмәнов, О.В.Усманов, Р.М.Хәсәнов, Р.М.Яхин) әҫәрҙәре, ш. уҡ В.М.Шәрифуллин йырҙары. Рәсәй буйлап гастролдәрҙә була. “Башҡортостан — Урал ынйыһы” (“Башкортостан — жемчужина Урала”; Өфө, 2005) Респ. халыҡ ижады форумы лауреаты; респ. вокаль‑инструменталь ансамблдәрҙең һәм эстрада оркестрҙарының заман композиторҙары йырҙарын һәм оркестр музыкаһын иң яҡшы башҡарыу смотр‑конкурсы (Стәрлетамаҡ ҡ., 1985), “Туған тел” татар йырын йәш башҡарыусылар конкурсы (Өфө, 1998), “Башҡортостан — Урал ынйыһы” (Мәсетле р‑ны Оло Ыҡтамаҡ а., 2006) халыҡ ижады форумы һ.б. дипломанты. Ойоштороусыһы һәм художество етәксеһе — В.М.Шәрифуллин. Бейеүҙәрҙе ҡуйыусы — А.А.Фәйзуллин.

Тәрж. Р.Р.Абдрахманов

 

 

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018