“УФАХИМПРОМ”, ААЙ, гербицидтар, хлорорганик берләшмәләр, эпоксид ыҫмалалары, химик реактивтар һәм мед. препараттары сығарыу өсөн саф матдәләр етештергән пр‑тие. Составына органик булмаған һәм органик к‑талар, химия технологиялары продукттары, үҫемлектәрҙе химик һаҡлау саралары, улар өсөн ыҫмалалар һәм сеймал, халыҡ ҡулланыуы тауарҙары производстволары инә. 2001 й. 4200 кеше эшләгән; 10,6 мең т – шыйыҡ хлор, 43,7 — тоҙ кислотаһы, 14,2 — үҫемлектәрҙе химик һаҡлау саралары, 23,5 — каустик сода, 29,8 — көкөрт кислотаһы, 15,2 — хлорсульфон кислотаһы, 6,3 — хлорамин Б, 5,3 — монохлоруксус кислотаһы, 2,9 — техник хлорбензол, 57,2 — техник дифенилолпропан, 9,9 мең т — синтетик ыҫмалалар етештерелгән.

1942 й. Өфө нефть эшкәртеү заводының көкөрт кислотаһы цехы (1939 й. нигеҙләнә) һәм Өфөгә эвакуацияланған Рубежное химкомбинаты (Украина ССР-ы) базаһында 768‑се дәүләт союз з‑ды булараҡ ойошторола, 1943 й. тәүге продукцияһы — көкөрт к‑таһы алына, 1948 й. алып Черниковск дәүләт союз химия з‑ды, 1956 й. башлап Өфө химия з‑ды (1957 й. составына 1942 й. “Натуркаучук” з‑ды булараҡ нигеҙләнгән Өфө химик реактивтар з‑ды инә), 1970 й. каустик сода етештереү өсөн Стәрлетамаҡ — Өфө тоҙ иретмәһе үткәргесе производствоһы файҙаланыуға тапшырыла, 1979 й. алып Өфө “Химпром” ПБ, 1993 й. — Өфө дәүләт производство пр‑тиеһы, 1997 й. — Өфө ДУП‑ы, 1998 й. алып хәҙ. исемен һәм статусын йөрөтә. Пр‑тиела СССР‑ҙа тәүге тапҡыр монохлоруксус кислотаһы, трихлорэтилен, өҙлөкһөҙ схема б‑са хлорбензол, тетрахлорбензол (бөтәһе лә — 50‑се йй.) етештереү, титан ҡорамалдарҙы электр коррозияһынан һаҡлау ысулдары (70‑се йй.) һ.б. үҙләштерелә. Пр‑тие м‑н М.С.Бәкеров, И.А.Горбунов, Р.Р.Ғатауллин, М.Ш.Ибраҡов, С.Л.Орёл, В.Д.Симонов, Х.Ә.Әзмәтов һ.б. эшмәкәрлеге бәйле.

К.Ш.Әмирханов

Тәрж. Ә.Н.Аҡбутина

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018