“УФАОРГСИНТЕЗ”, асыҡ АЙ. Нефтехимия продукцияһын етештерә. Составына синтетик этил спирты, фенол һәм ацетон, полиэтилен, полипропилен, тауар, сервис производстволары инә. 2009 й. 2309 кеше эшләгән; 94,9 — изопропилбензол, 60,1 — фенол, 37,4 — ацетон, 10,7 — α‑метилстирол, 90,0 — полиэтилен, 2,8 — этилен‑пропилен каучук, 21,1 — бутилен‑бутадиен фракцияһы, 114,4 мең т полипропилен етештерелгән. Продукцияһы БР‑ҙа һәм РФ‑та һатыла, яҡын һәм алыҫ сит илдәргә ебәрелә.

1949 й. ойошторола, 1956 й. Өфө синтетик спирт з‑ды булараҡ файҙаланыуға тапшырыла (1958 й. алып ВЛКСМ‑дың 40 йыллығы ис.), 1994 й. алып хәҙ. исемдәге ААЙ, 2015 й. хәҙ. статусын ала. Пр‑тиела СССР‑ҙа тәүгеләрҙән булып юғары баҫымлы полиэтилен (1960), синтетик этил спиртын эшкәртеү юлы м‑н бутил спирты (1961) алына, этилен‑пропилен каучук (1967), изопропилбензол (1959), уны каталитик дегидрирлап — α‑метилстирол (1960) һәм окисландырып — фенол м‑н ацетонды бергә алыу (1964) производстволары сафҡа индерелә; БР-ҙа тәүге тапҡыр полипропилен етештереү башлана (1997). Хеҙмәт Ҡыҙыл Байраҡ орд. м‑н бүләкләнгән (1966). Пр‑тие м‑н Б.М.Лерман, Е.П.Шерстобитов һ.б. эшмәкәрлеге бәйле.

Әҙәб.: К о ч е р г и н Н.М. Первенец Башкирской нефтехимии. Уфа, 1973.

Тәрж. Ә.Н.Аҡбутина

 

 

 

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.