УҪЫЛЫБАШ, Стәрлетамаҡ р‑нындағы ауыл, Уҫылы а/с ҡарай. Район үҙәгенән һәм Стәрлетамаҡ т. юл ст. Т.‑Көнб. табан 34 км алыҫлыҡта Уҫылы й. (Ҡуғанаҡ й. ҡушылдығы) буйында урынлашҡан. Халҡы: 1906 й. — 596 кеше; 1920 — 713; 1939 — 563; 1959 — 461; 1989 — 378; 2002 — 370; 2010 — 348 кеше. Сыуаштар йәшәй (2002). Фельдшер‑акушерлыҡ пункты, клуб бар.

Ауылға 19 б. башында Стәрлетамаҡ өйәҙендә дәүләт крәҫтиәндәре нигеҙ һала. 1865 й. 50 йортта 363 кеше йәшәгән. Игенселек м‑н шөғөлләнгәндәр. 1906 й. миссионер мәктәбе, бакалея кибете, ел тирмәне, мөгәзәй теркәлгән. М.Н.Данилов-Чалдун ошо ауылда тыуған.

Тәрж. Р.Ғ.Ғилманов

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018