УҪЫБАШ, Т ү л е б а й, Благовещен р‑нындағы ауыл, Октябрьский а/с ҡарай. Район үҙәгенән Т.‑Көнс. 81 км һәм Загородная т. юл ст. Т. табан 81 км алыҫлыҡта Уҫы й. буйында урынлашҡан. Халҡы: 1906 й. — 181 кеше; 1920 — 208; 1939 — 217; 1959 — 243; 1989 — 188; 2002 — 116 кеше. Мариҙар йәшәй.

Ауылға Ҡазан даруғаһы Йәлдәк улусы башҡорттарының аҫаба ерҙәрендә керҙәшлек килешеүе б‑са (килешеү 1763 й. рәсмиләштерелгән) һуңынан типтәрҙәр ҡатламына күскән яһаҡлы мариҙар нигеҙ һала, 1758 й. алып билдәле. Исеме гидронимдан алынған. Шулай уҡ Үсебаш исеме м‑н билдәле булған. 1865 й. 9 йортта 50 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. 1906 й. һыу тирмәне теркәлгән.

Тәрж. Р.Ғ.Ғилманов