УҪМАНҒӘЛЕ, Белорет р‑нындағы ауыл, Инйәр а/с ҡарай. Район үҙәгенән Т.‑Көнб. 101 км һәм Инйәр т. юл ст. Көнб. табан 5 км алыҫлыҡта Инйәр й. буйында урынлашҡан. Халҡы: 1900 й. — 278 кеше; 1920 — 323; 1939 — 386; 1959 — 538; 1989 — 326; 2002 — 374; 2010 — 404 кеше. Башҡорттар йәшәй (2002). Башланғыс мәктәп (2‑се Инйәр урта мәктәбе филиалы), фельдшер‑акушерлыҡ пункты, мәсет бар. Ауылға 18 б. уртаһында Нуғай даруғаһы Ҡатай улусы башҡорттары үҙ ерҙәрендә нигеҙ һала. Тәүге төпләнеүсенең исеме м‑н аталған, уның улы Әлимғол Уҫманғәлин билдәле. Шулай уҡ Өшөрә, Ҡаҙмаш исемдәре м‑н билдәле булған. 1795 й. 19 йортта 106 кеше йәшәгән, 1866 й. 39 йортта — 200 кеше. Малс‑ҡ, солоҡсолоҡ, урман кәсептәре м‑н шөғөлләнгәндәр. Мәсет, пристань булған. 1900 й. мәсет, һыу тирмәне теркәлгән. 40‑сы йй. У. 30‑сы йй. нигеҙләнгән Яңы Уҫманғәле а. ҡушылған.

Тәрж. Р.Ғ.Ғилманов

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.