УРЫҪ ШВЕЙЦАРИЯҺЫ, Бәләбәй р-нындағы ауыл, Максим Горький а/с ҡарай. Район үҙәгенән К.‑Көнc. 26 км һәм Глуховская т. юл ст. Т.‑Көнб. табан 4 км алыҫлыҡта урынлашҡан. Халҡы: 1939 й. — 139 кеше; 1959 – 187; 1989 — 228; 2002 — 238 кеше. Урыҫтар йәшәй. Халҡы “Глуховская” шифаханаһында, Горький М. исемендәге тоҡомсолоҡ заводында эшләй. Фельдшер‑акушерлыҡ пункты, клуб бар. Ауылға 19 б. аҙ. Бәләбәй өйәҙендә эшҡыуар И.П.Коньшиндың “Урыҫ Швейцарияһы” тигән шәхси ҡымыҙ м‑н дауалау йорто урынында нигеҙ һалына. 1925 й. 4 йорт иҫәпкә алынған. 30—50‑се йй. утар булараҡ теркәлә. М.В.Шинкова ошо ауылда тыуған.

Т.И.Әминев

Тәрж. Р.Ғ.Ғилманов

УРЫҪ ШВЕЙЦАРИЯҺЫ, тәбиғәт ҡомартҡыһы