УРЫҪ ҺАҪЫҠКҮЛЕ АУЫЛЫ, Ғафури р‑нындағы ауыл, Аҡкүл а/с ҡарай. Район үҙәгенән Көнб. 19 км һәм Аҡкүл т. юл ст. К. табан 10 км алыҫлыҡта Ағиҙел й. буйында урынлашҡан. Халҡы: 1906 й. — 889 кеше; 1920 — 989; 1939 — 1225; 1959 — 838; 1989 — 397; 2002 — 395 кеше. Урыҫтар йәшәй. Халҡы «“Родина” агрофирмаһы» пр‑тиеһында эшләй. Төп мәктәп, балалар баҡсаһы, фельдшер‑акушерлыҡ пункты, клуб, китапхана  бар.

    Ауылға 1802 й. Богоявленск заводы эргәһендәге торама итеп Бекетовтарҙың Владимир губ. күсерелгән крепостной крәҫтиәндәре нигеҙ һала (ҡара: Тау сәнәғәте крәҫтиәндәре). 1865 й. Һаҫыҡкүл а. (Урыҫ Һаҫыҡкүле) булараҡ иҫәпкә алынған, 95 йортта 546 кеше йәшәгән. Умарт‑ҡ, игенселек, балта эше, көршәк яһау кәсебе м‑н шөғөлләнгәндәр, з‑дта эшләгәндәр. 1906 й. сиркәү (1886 й. һалынған), сиркәү‑мәхәллә мәктәбе, тимерлек, бакалея кибете булған. А.Ф.Ковальский ошо ауылда тыуған.

Ғ.Ш.Шәйәхмәтов

Тәрж. Р.Ғ.Ғилманов