УРЪЯҘЫ, Мишкә р‑нындағы ауыл, Уръяҙы а/с үҙәге. Район үҙәгенән К.-Көнс. 17 км һәм Загородная т. юл ст. Т. табан 139 км алыҫлыҡта Бөрө й. буйында урынлашҡан. Халҡы: 1906 й. — 1925 кеше; 1920 — 1810; 1939 — 1121; 1959 — 508; 1989 — 335; 2002 — 264; 2010 — 221 кеше. Татарҙар, башҡорттар йәшәй (2002). Фельдшер‑акушерлыҡ пункты, клуб, китапхана, мәсет бар.

Ауылға 1672 й. Ҡазан даруғаһында мишәрҙәр нигеҙ һала. Шулай уҡ Яңы Сабай исеме м‑н билдәле булған. 1865 й. 141 йортта 904 кеше йәшәгән. Игенселек, малс‑ҡ м‑н шөғөлләнгәндәр. Мәсет, училище булған. 1906 й. мәсет, 3 бакалея һәм 2 мануфактура кибете, мөгәзәй теркәлгән. В.Т.Ҡайбышев ошо ауылда тыуған.

Тәрж. Р.Ғ.Ғилманов

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018