УРМАНАҪТЫ, Дүртөйлө р‑нындағы ауыл, Күкҡуян а/с ҡарай. Район үҙәгенән К. 26 км һәм Өфө т. юл ст. Т.‑Көнб. табан 110 км алыҫлыҡта Яубазы й. башында урынлашҡан. Халҡы: 1906 й. — 670 кеше; 1920 — 781; 1939 — 755; 1959 — 507; 1989 — 317; 2002 — 305; 2010 — 279 кеше. Башҡорттар, татарҙар йәшәй (2002). Фельдшер‑акушерлыҡ пункты, клуб, мәсет бар.

Ауылға Ҡазан даруғаһы Шәмшәҙе улусы башҡорттары үҙ ерҙәрендә нигеҙ һала, 1764 й. алып билдәле. 18 б. аҙ. керҙәшлек килешеүе б‑са бында типтәрҙәр һәм мишәрҙәр килеп ултыра. 1795 й. 21 йортта 142 кеше йәшәгән, 1865 й. 50 йортта — 378 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет булған. 1906 й. ш. уҡ ат м‑н ярма ярғыс, бакалея кибете, мөгәзәй теркәлгән.

Тәрж. Р.Ғ.Ғилманов

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.