УРҒАҘА, Я к о в л е в к а, Баймаҡ р‑нындағы ауыл, Йылайыр а/с үҙәге. Район үҙәгенән К.‑Көнс. 45 км һәм Сибай т. юл ст. К. табан 52 км алыҫлыҡта Оло Уртаҙым й. буйында урынлашҡан. Халҡы: 1920 й. — 171 кеше; 1939 — 290; 1959 — 1322; 1989 — 2956; 2002 — 2902 кеше. Башҡорттар, урыҫтар йәшәй. У. — “Ялан” ЯСЙ‑ның үҙәк усадьбаһы. Баймаҡ ауыл хужалығы техникумы, урта мәктәп, балалар баҡсаһы, участка дауаханаһы, мәҙәниәт йорто, китапхана, мәсет, Сиҙәм музейы бар.

    Ауылға 1910 й. Орск өйәҙендә Ырымбур өйәҙенең Яковлевка утары (хәҙ. Ырымбур өлк. Һарыҡташ р‑ны) мордва күскенселәре Яңы Яковлев утары булараҡ нигеҙ һала. 30‑сы йй. алып Яковлевка а. булараҡ иҫәпкә алына. 50‑се йй. аҙ. Яковлевка а. Йылайыр с‑зының Үҙәк усадьбаһы ҡасабаһы (1929 й. нигеҙләнгән) ҡушылғас, Йылайыр с‑зының Үҙәк усадьбаһы ҡасабаһы булып теркәлә. 60‑сы йй. ҡасабаға 1928 й. нигеҙләнгән Үҙән а. ҡушыла. 2005 й. хәҙ. статусын ала, 2008 й. хәҙ. исемен йөрөтә.

М.М.Маннапов, Ә.З.Сәйғәфәров

Тәрж. Р.Ғ.Ғилманов