УПҠАНКҮЛ, Ҡариҙел й. басс. күл, тәбиғәт ҡомартҡыһы (1965). Нуриман р‑ны Нимесләр а. көнбайышҡа табан 2 км алыҫлыҡта Ағиҙел буйы убалы тигеҙлегендә урынлашҡан. Күл өҫтө майҙаны 0,1 км2, оҙонлоғо 2,5 км, киңлеге 150— 180 м. Иҫке үҙән, формаһы даға һымаҡ. Һыу кимәле күтәрелгәндә Ҡариҙел й. м‑н ҡушыла. Ҡатнаш туйына. Тирә‑яҡ ландшафы киң япраҡлы урмандарҙан тора; көнсығыш ярҙарында — болондар, көнбайышында ҡара ерек үҫкән һаҙлыҡтар таралған. Яр буйын күл ҡамышы, ябай уҡъяпраҡ һ.б. ҡаплаған, һары томбойоҡ, аҡ томбойоҡ, себер һыу сәтләүеге, һыу үләненең төрлө төрҙәре үҫә.

Әҙәб.: Озеро Упканны‑Куль — памятник природы Башкирии. Уфа, 1963.

А.Ә.Мулдашев

Тәрж. А.Н.Күсеев

 

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018