ФРЕЗЕРЛАУ, металдарҙы станокта күп тешле инструмент (фреза) ярҙамында ҡырыу юлы м-н эшкәртеү. Ф. ваҡытында инструмент әйләнеү хәрәкәтен башҡара (төп хәрәкәт), эшкәртелә торған әҙерләмә ынтылышлы хәрәкәт (бирелеш хәрәкәте; тура һыҙыҡ б‑са, әйләнеү хәрәкәте йәки винт б‑са, йүнәлеше – ҡаршы йәки ыңғай булыуы мөмкин) башҡара. Ҡырыуҙың тиҙлеге материалға һәм фрезаның ҡырыусы өлөшөнөң геометрик параметрҙарына, ҡырыу тәрәнлегенә, бирелештең тиҙлегенә, әҙерләмәнең өҫкө ҡатламының хәленә һ.б. бәйле. Ф. машиналар эшләү пр‑тиеларында яҫы һәм фасонлы йөҙҙәрҙе, һырҙарҙы эшкәртеү һ.б. өсөн ҡулланыла. Башҡортостанда Ф. процестарын тикшереү 20 б. 50‑се йй. ӨАИ‑ла (А.М.Аҡбирҙин, В.Б.Бершадский, В.И.Комиссаров, В.В.Кривошеев, С.К.Попов, Г.А.Шаров) башлана. Газ турбиналы двигателдәрҙе етештереүҙә файҙаланылған тутыҡмай торған айырыуса ныҡ конструкция материалдарын эшкәртеүҙең оптималь режимдары билдәләнгән; фрезалар камиллаштырылған һәм уларҙың оптималь геометрик үлсәмдәре табылған. Һөҙөмтәләре ӨМЭПБ‑ла, Күмертау авиация производство при‑теһында, “Гидравлика” пр‑тиеһында һ.б. индерелгән. Шулай уҡ ҡарағыҙ: Металл ҡырҡыу станогы.

Р.Р.Латипов

Тәрж. Р.Ғ.Ғилманов

Текст на русском языке

Яндекс.Метрика