ФИРСОВ Николай Николаевич [18.9.1864, Ҡазан — 7.4.1934 (башҡа мәғлүмәттәр б‑са, 7.6.1933), шунда уҡ], тарихсы. Рус тарихы д‑ры (1903), проф. (1903). Н.А.Фирсовтың улы. Ҡазан ун‑тын тамамлаған (1888), 1891—1920 йй. (өҙөклөк м‑н) — шунда уҡ, 1914—16 йй. Мәскәү археология ин‑тында уҡыта. 1920—22 йй. Көнсығыш акад. ректоры, 1923 й. алып Татарҙарҙы өйрәнеү б‑са йәмғиәт рәйесе, 1929—31 йй. Пролетариат революцияһы музейы (бөтәһе лә — Ҡазанда) директоры. Фәнни хеҙмәттәре 17—18 бб. Рәсәйҙең сәйәси һәм соц.‑иҡт. тарихына, Крәҫтиәндәр һуғышына (1773—75) арналған. 200‑ҙән ашыу фәнни хеҙмәт авторы.

Хеҙм.: Пугачёвщина. Опыт социально‑психологической характеристики. Л., 1924; Разин и разиновщина. Пугачёв и пугачёвщина. Казань, 1930.

Н.М.Ҡолбахтин

Тәрж. Ф.Ә.Ҡылысбаев

Текст на русском языке

 

Яндекс.Метрика