ФИЗКУЛЬТУРА БЕЛЕМЕ БИРЕҮ, бөтә типтағы уҡыу йорттары, физкультура‑спорт ойошмалары, учреждениелары һ.б. өсөн спорт төрҙәре б‑са физик тәрбиә биреү уҡытыусыларын һәм тренер‑уҡытыусыларҙы әҙерләү системаһы, педагогик белем биреү тармағы. Башҡортостанда физиккультура һәм спорт өлкәһендә белгестәр әҙерләгән тәүге уҡыу йорто 1932 й. Өфөлә асыла (ҡара: Стәрлетамаҡ физиккультура техникумы). 1989 й. БДПИ‑ла (ҡара: Педагогия университеты) респ. тәүгеләрҙән булып физик культура ф‑ты ойошторола. Урта махсус һәм юғары уҡыу йорттарында дөйөм фәнни (урта махсустарҙа — дөйөм белем биреү), мед.‑биол., пед., спорт‑пед. һәм махсус спорт фәндәре өйрәнелә. Ф.б.б. өлкәһендәге белгестәр Бөрө социаль‑педагогия академияһында, Сибай институтында, Урал дәүләт физик культура университеты филиалдарында; Белорет педагогия колледжында, Благовещен педагогия колледжында, Күмертау педагогия колледжында, Педагогия колледжы 1, Туймазы педагогия колледжында һ.б. әҙерләнә. Өҫтәмә белем спорт мәктәптәрендә бирелә. Физик культура һәм спорт б‑са фәнни‑педагогик кадрҙар Башҡ‑н физик культура ин‑тының аспирантураһында, магистратураһында һәм БДПУ‑ның докторантураһында әҙерләнә. Ф.б.б. үҫешенә С.Т.Аслаев, П.С.Горулёв, Л.М. Матвеева, Г.И.Мокеев, С.В.Павлов, А.А.Рябов, Н.Г.Энгельс һ.б. өлөш индерә.

А.У.Кинйәбулатов, С.Ю.Никитина

Тәрж. Ғ.Р.Бирҙина

 

Текст на русском языке