ФӘТҠУЛЛИНА Флүзә Ғабдулла ҡыҙы (17.1.1958, БАССР‑ҙың Йәрмәкәй р‑ны Һыуыҡҡул а.), тел белгесе. Филол. ф. д‑ры (2002), проф. (2011). БР‑ҙың атҡ. мәғариф хеҙм‑ре (2011), РФ‑тың почётлы юғары проф. белем биреү хеҙм‑ре (2015). БДУ‑ны тамамлаған (1983), 1984 й. алып шунда уҡ эшләй: 1987 й. тиклем хеҙм‑р, 1991 й. башлап (өҙөклөктәр м‑н) уҡытыусы, 2012 й. — урыҫ һәм сағыштырма филол. каф. мөдире. Фәнни тикшеренеүҙәре тел берәмектәренең төрлө кимәлдәге семантикаһына, тел һәм мәҙәниәттең үҙ‑ара йоғонтоһона, лексикографияға арналған. 230‑ҙан ашыу фәнни хеҙмәт, ш. иҫ. төрлө типтағы һүҙлектәр, вуз дәреслектәре, авторы.

Хеҙм.: Понятие деструкции в лексической семантике. Уфа, 2002.

Тәрж. Р.Ә.Сиражитдинов

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.