ФЁДОРОВКА, ауыл, Фёдоровка р‑нының (1935–63 йй. һәм 1965 й. алып) һәм Фёдоровка а/с үҙәге, егерме өсөнсө партсъезд ис. АХПК‑ның үҙәк усадьбаһы. Өфөнән К.‑Көнб. 200 км һәм Мәләүез т. юл ст. Т.‑Көнб. табан 60 км алыҫлыҡта Бөркөтлө й. (Ашҡаҙар й. ҡушылдығы) буйында, Стәрлетамаҡ–Стәрлебаш–Фёдоровка, Мәләүез–Фёдоровка, Стәрлетамаҡ–Фёдоровка автомобиль юлдарында урынлашҡан. Халҡы (мең кеше): 1906 й. – 2,4; 1920 – 3,1; 1939 – 3,0; 1959 – 2,5; 1989 – 3,8; 2002 – 4,1. Урыҫтар, татарҙар, мордвалар йәшәй (2002). “Фёдоровкомбикорм” ААЙ, һөт з‑ды, урман хужалығы эшләй. 2 урта мәктәп (ш. иҫ. Фёдоровка урта мәктәбе №1), Балалар сәнғәт мәктәбе, балалар баҡсаһы, үҙәк район дауаханаһы һәм китапханаһы, мәҙәниәт йорто (урыҫ халыҡ йыры хоры), сиркәү (Ҡазан Богородицаһы сиркәүе, 1884–89 йй., архитектура ҡомартҡыһы) бар.

Ауылға 18 б. аҙ. Стәрлетамаҡ өйәҙе терр‑яһында мордва крәҫтиәндәре нигеҙ һалған. Бер туған Алексей һәм Дмитрий Фёдоровтарҙың фамилияһы м-н аталған тип, фараз ителә. 1795 й. 169 кеше иҫәпкә алынған, 1865 й. 243 йортта – 1602 кеше. Игенселек, умарт‑ҡ, сауҙа, урман кәсептәре м‑н шөғөлләнгәндәр. Сиркәү, 2 училище, 3 һыу тирмәне булған; улус идараһы урынлашҡан. 1906 й. бакалея, шарап һәм 2 һыра кибете, 4 тимерлек, мөгәзәй теркәлгән; улус идараһы урынлашҡан. 1920 й. Ф. (1‑се, 2‑се, 3‑сө) булараҡ иҫәпкә алынған. Н.А.Асабин, В.И.Максимочкин ошо ауылда тыуған.

Тәрж. Р.Ғ.Ғилманов

ИЛЛ.: Фёдоровка р‑ны Фёдоровка ауылы. Һаҡлыҡ банкыһы бинаһы

Текст на русском языке

Яндекс.Метрика