ФӘТТӘХОВ Мөхәррәм Миңлеяр улы (8.8.1956, Өфө), инженер‑механик. Техник ф. д‑ры (2010). РФ‑тың почётлы юғары проф. белем биреү хеҙм‑ре (2003). ӨНИ‑не тамамлағандан һуң (1978) шунда уҡ эшләй: 2002 й. алып автомобиль юлдары һәм төҙөлөш производствоһы технологиялары каф. мөдире, бер үк ваҡытта 2011—15 йй. архитектура-төҙөлөш ф‑ты деканы. Фәнни эшмәкәрлеге ҡатмарлы объекттарҙы төҙөүҙе геодезик яҡтан тәьмин итеү һәм уларҙы файҙаланыу проблемаларына арналған. Т. тарафынан нефть‑газ тармағындағы үткәргес торба системаларын ерҙе ҡаҙымайынса тергеҙеү ысулдары уйлап сығарылған һәм камиллаштырылған. 200-ҙән ашыу фәнни хеҙмәт һәм 9 уйлап табыу авторы.

Х е ҙ м.: Элементы дорожной геометрии. Уфа, 2007; Транспорт углеводородного сырья по трубопроводам из полимерных и композитных материалов. СПб., 2011 (авторҙ.); Моделирование параметров автомобильных дорог в архитектурно‑ландшафтном проектировании. Уфа, 2014 (авторҙ.).

А.И.Ғәбитов

Тәрж. Р.Ғ.Ғилманов

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018