ФАРМАЦЕВТИКА ХЕҘМӘТЕ, дауалау‑иҫкәртеү учреждениеларын һәм халыҡты дарыуҙар, мед. тәғәйенләнешле әйберҙәр, гигиена предметтары һ.б. м‑н тәьмин итеүҙе бойомға ашырыусы дәүләт учреждениелары һәм предприятиелары системаһы. Башҡортостанда 1918 й. алып Өфө губ. мед.‑санитария бүлеге эргәһендә фарм. бүлексәһе, 1919 й. алып — БАССР Һаулыҡ һаҡлау ХК‑һы эргәһендә респ. мед. тәьминәтенең санитария бүлеге эшләй. 1926 й. Өфөлә үҙәк дарыухана склады, Белорет, Бөрө, Бәләбәй, Стәрлетамаҡ ҡалаларында дарыухана складтары, фарм. лаб. һәм 20 дарыухана (ш. иҫ. Өфөлә 7) була. 1937 й. 88 дарыухана (ш. иҫ. ауыл ерендә 51); 40‑сы йй. башында 100 дарыухана һәм 100‑ҙән ашыу дарыухана пункты, 3 дарыухана магазины, контроль‑аналитик лаб. иҫәпләнә; 400‑гә яҡын белгес эшләй. 70‑се йй. башына 300‑гә яҡын дарыухана (ш. иҫ. ауыл ерендә 62), күҙлектәр әҙерләү һәм һатыу б‑са 3 махсус магазин, дарыуханаларҙа 11 оптика бүлеге, яҡынса 160 ваҡлап һатыу бүлексәһе, 2000‑дән ашыу ауыл дарыухана пункты эшләй. 90‑сы йй. аҙ. алып фарм. эшмәкәрлекте, дарыуҙарҙың сифатын, һөҙөмтәлелеген һәм хәүефһеҙлеген норматив‑хоҡуҡи көйләүҙе БР Һаулыҡ һаҡлау министрлығының фарм. эшмәкәрлекте һәм клиник фармакол. ойоштороу бүлеге; дарыуҙар әйләнеше, фарм. эшмәкәрлекте лицензиялау, дарыу препараттарының ассортименты, хаҡтары мониторингыһы һ.б. өлкәләрҙә контролде һәм күҙәтеүҙе Рәсәй Федерацияһы һаулыҡ һаҡлау өлкәһендә күҙәтеү б‑са федераль хеҙмәттең БР б‑са идаралығы тормошҡа ашыра. Республикала “Башфармация” ДУП‑ы, муниц. дарыуханалар, хосуси коммерция фарм. ойошмалары һәм эсенә 1000‑дән ашыу дарыухана ингән 18 дарыухана селтәре эшләй (2010).

Л.Ф.Лозовая, С.И.Рәхмәтуллин

Тәрж. Г.Ҡ.Ҡунафина

Текст на русском языке

Яндекс.Метрика