ФӘРИТОВ Айрат Тәбрис улы (27.4.1965, Бөрө ҡ.), механик‑коррозионист. Техник ф. канд. (2006). БР‑ҙың атҡ. нефтсеһе (2010). Т.Ә.Фәритовтың улы. ӨНИ‑не тамамлағандан һуң (1987) Энергоресурстарҙы күсереү проблемалары ин‑тында эшләй (2002 й. алып бүлек мөдире). Фәнни эшмәкәрлеге нефть промыслаһы ҡорамалдарының коррозияланыу механизмдарын һәм уларҙы коррозиянан һаҡлау ысулдарын өйрәнеүгә, үткәргес торбаларҙы комплекслы анализлау өсөн программа тәьминәте төҙөүгә арналған. Ф. етәкс. коррозияны мониторингылау өсөн “Моникор” системаһы, “Экстра” селтәр программа тәьминәте уйлап сығарылған һәм индерелгән. 30‑ҙан ашыу фәнни хеҙмәт авторы. БР‑ҙың фән һәм техника өлкәһендәге Дәүләт пр. (2005), И.М.Губкин ис. пр. лауреаты (2008).

Хеҙм.: Ретроспективный анализ состава и коррозионной агрессивности сред Самотлорского месторождения //Нефтяное хозяйство. 2003. №6 (авторҙ.); Концепция развития системы технического диагностирования промысловых трубопроводов //Там же. 2005 (авторҙ.).

Тәрж. Р.Ғ.Ғилманов

Портрет: А.Т.Фәритов

 

Текст на русском языке

Яндекс.Метрика