ҮРЕНТЕ ТАМЫРЛЫ ҠЫЙ ҮЛӘНДӘРЕ, күп йыллыҡ үлән кеүек үҫемлектәр, башлыса вегетатив юл м‑н тамыр үрентеләре (өҫтәмә бөрөләрҙән сыҡҡан үренделәр) аша үрсей. Ү.т.ҡ.ү. баҫыу билсәне, баҫыу эт эсәге, сыбар сысҡанборсаҡ, сысҡан кәрешкәһе, тал һөтлөгәне, үрмәле әсе үлән, ябай етенүлән, ялан һарыбилсәне һ.б. ҡарай. Ү.т.ҡ.ү. — ҡотолоуы ҡыйын булған ҡый үләндәре, уларҙың тамыры тупраҡҡа 5—7 м тиклем тәрәнлеккә үтеп инә. Вегетатив үрсеү ағзалары төрлө тәрәнлектә урынлашҡан, улар яҡшы үҫеп сыға. Механик тәьҫир итеү бөрөләрҙең күпләп шытып сығыуын көйләй. Ү.т.ҡ.ү. шулай уҡ 1—2 см тәрәнлектән яҡшыраҡ шытып сыҡҡан орлоҡтар м‑н үрсей. Башҡортостанда Ү.т.ҡ.ү. араһынан баҫыу билсәне, баҫыу эт эсәге, ялан һары билсәне киң таралған. Иген культураларын, аралыҡлы культураларҙы, күп йыллыҡ үләндәрҙе һ.б. сүпләй. Көрәш саралары: сәсеүәйләнештәрен контролдә тотоу, ерҙе алдан йомшартып, туңға һөрөп тәрән эшкәртеү, пар баҫыуҙарын үҙ ваҡытында эшкәртеү, гербицидтар ҡулланыу һ.б. Шулай уҡ ҡара: Үҫемлектәрҙе һаҡлау.

Әҙәб.: Тамырһабаҡлы ҡый үләндәре мәҡ. ҡарағыҙ.

Р.С.Кирәев, И.С.Миңлеәхмәтов

Тәрж. Г.А.Миһранова

Яндекс.Метрика