ҮҘӘНБАШ, Белорет р‑нындағы ауыл, Шығай а/с ҡарай. Район үҙәгенән К.-Көнб. 50 км һәм Белорет т. юл ст. К.-Көнб. табан 45 км алыҫлыҡта Үҙән й. (Төньяҡ Үҙән) буйында урынлашҡан. Халҡы: 1900 й. — 31 кеше; 1920 — 14; 1939 — 57; 1959 — 1224; 1989 — 860; 2002 — 796; 2010 — 636 кеше. Башҡорттар, урыҫтар йәшәй (2002). Урта мәктәп, фельдшер‑акушерлыҡ пункты, клуб, китапхана, мәсет бар.

Ауылға 19—20 бб. араһында Верхнеурал өйәҙе Тамъян‑Түңгәүер улусы Ҡаҙмаш а. (хәҙ. Әбйәлил р‑ны) башҡорттары утар булараҡ нигеҙ һала. 1920 й. Ү. (Ҡаҙмаш) исеме м‑н теркәлгән. 40‑сы йй. алып ҡасаба булараҡ иҫәпкә алынған, 2005 й. хәҙ. статусын ала.

Тәрж. Р.Ғ.Ғилманов

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018