УТИН Василий Ильич [17.12.1918, Өфө губ. Бәләбәй өйәҙе Буғабаш а. (БР‑ҙың Баҡалы р‑ны) — 10.12.1941, Украина ССР‑ының Софьино-Раевка а. янында, Камышатка а. ерләнгән], Советтар Союзы Геройы (1942). 1940 й. совет ғәскәрҙәренең Бессарабияға һәм Төньяҡ Буковинаға хәрби походында, Б.В. һуғышында ҡатнашыусы. Баҡалы р‑нында уҡытыусы булып эшләй. 1939 й. алып Ҡыҙыл Армияла. 1941 й. башлап Көньяҡ фронтта хеҙмәт итә. Герой исеменә 12‑се армияның 95‑се айырым тәғәйенләнештәге Эске эштәр ХК сик буйы полкының уҡсы-автоматсыһы политрук урынбаҫары У. 1941 й. 9—10 дек. Еленовка һәм Софьино-Раевка аа. янындағы алыштарҙа күрһәткән батырлығы өсөн үлгәндән һуң лайыҡ була. Ленин орд. м‑н бүләкләнгән (1942). Буғабаш а. У. уҡыған мәктәпкә, Баҡалы р‑ны Баҡалы а. һәм Багратионовск ҡ. урамға уның исеме бирелгән; Калининград өлк. сик буйы заставаһында уға һәйкәл ҡуйылған.

И.Ғ.Кәримова

Тәрж. М.Х.Хужин

 

П.: В.И.Утин

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.