УРАЛ АРМИЯ КОРПУСЫ 6‑сы, Бөтә Рәсәй Ойоштороу йыйылышы ағзалары комитеты тарафынан 1918 й. көҙөндә Урал армия корпусы булараҡ ойошторолған; 1919 й. ғин. алып 6‑сы У.а.к., 13 марттан 6‑сы Урал уҡсылар корпусы. Уның составына 11‑се һәм 12‑се Урал уҡсылар див., 2‑се һәм 3‑сө Ырымбур казак бригадалары ингән. Халыҡ армияһы, 1919 й. ғин. башлап Көнбайыш армия составында булған. Граждандар һуғышы ваҡытында Бәләбәй операцияһында ҡатнашҡан, һөҙөмтәлә РККА частары тарафынан ҡыйратылған. 26 майҙа таратылған: 11‑се Урал уҡсылар див. — Урал ғәскәрҙәре төркөмө, 12‑сеһе Өфө ғәскәрҙәре төркөмө составынаингән. Корпус ком. — ген.‑майор Н.Т.Сукин (1919 й. ғин. алып).

Р.Н.Рәхимов

Тәрж. М.Х.Хужин