ФӘРРӘХОВ Йосоп Тимербай улы (20.4.1935, БАССР‑ҙың Туймазы р‑ны Иманғол а. — 31.1.2001, шунда уҡ), урман белгесе. 1961—95 йй. Туймазы тәж.‑үрнәк урман хужалығының Бишенде урмансылығында эшләй: урмансы, 1977 й. алып урман питомнигы мастеры. БР урман хужалығы үҫешенә, урман ресурстарын ҡулланыуҙың һөҙөмтәлелеген арттырыуға ҙур өлөш индергән. Ф. тарафынан ағастарҙың ылыҫлы төрҙәрен ҡыш алдынан сәсеү технологиялары, ҡайын үҫентеләрен үҫтереү, биол. үҙенсәлектәренә бәйле орлоҡтарҙы йыйыу һәм сәсеү ысулдары уйлап табылған һәм индерелгән; В.Г.Каппер конструкцияһындағы тубырсыҡ киптергес камиллаштырылған. Ф. етәкс. майҙаны 52 га булған һуғарыулы урман питомнигы ойошторолған (йыл һайын 40‑тан ашыу ағас‑ҡыуаҡтың 9,5 млн дана үҫентеһе һәм үрсетмәһе үҫтерелгән). СССР‑ҙың Дәүләт пр. лауреаты (1983). Хеҙмәт Ҡыҙыл Байраҡ орд. м‑н бүләкләнгән (1986).

Тәрж. Ф.Ғ.Ғәлиев

 

 

 

Текст на русском языке

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.