ҮТКӘРГЕС ТОРБАЛАРҘЫ ИЗОЛЯЦИЯЛАУ, коррозиянан һаҡлау өсөн металл үткәргес торбаларҙы ҡапламалар м‑н көпләү. Үткәргес торбаның тәғәйенләнешенә ҡарап гидроизоляцияны (тупраҡ, һыу, атмосфера коррозияһынан һаҡлау) һәм йылылыҡтан изоляциялауҙы (торбаның өҫкө йөҙө м‑н тирә‑яҡ мөхит араһында йылылыҡ алмашыуҙы кәметеү) айыралар. Махсус изоляциялау машиналарын, төрлө механизмдарҙы файҙаланып з‑дтарҙа йәки ҡыр шарттарында башҡарыла, үткәргестәрҙе ремонтлаған йәки төҙөгән саҡта торбаларҙы траншеяға һалыу алдынан ҡайһы берҙә ҡулдан эшләнә. Башҡортостанда Ү.т.и. технологияларын һәм материалдарын эшләү б‑са тикшеренеүҙәр 20 б. 80‑се йй. алып үткәрелә. Энергоресурстарҙы күсереү проблемалары ин‑тында, Химия ин‑тында һәм “Ада” ғилми‑производство фирмаһында (Өфө; Р.Р.Ғиззәтуллин, Ә.Ғ.Ғүмәров, М.К.Рәмиев, С.Р.Рафиҡов, В.А.Шнайдер һ.б.) 2 һәм күберәк компоненттарҙан торған, “үҙен дауалау” һәләтле булған армопластобит, пластобит‑2М, пластобит‑40 ҡапламаларын файҙаланып Ү.т.и. технологиялары эшләнгән һәм индерелгән. “Поиск” ғилми‑тикшеренеү үҙәгендә (Өфө; И.Ф.Гладких, К.М.Ғүмәров, Н.М.Черкасов һ.б.) нефть ҡалдыҡтары нигеҙендә эшләнгән Асмол материалы уйлап табылған һәм Ү.т.и. технологияһы эшләнгән. “Август” ҒПБ‑нда диам 325–1420 мм тиклем Ү.т.и. машиналары (МИ тибындағы изоляциялау һәм МПП тибындағы – таҙартыу) һ.б. ябай механизациялау саралары уйлап сығарыла һәм етештерелә. Тикшеренеү һөҙөмтәләре “Транснефть”, “Транснефтепродукт”, “Газпром” ААЙ‑ларында һәм РФ төбәктәре һәм БДБ илдәренең башҡа пр‑тиеларында индерелгән. Шулай уҡ ҡара: Һаҡлағыс ҡаплауҙар.

Р.Р.Ғиззәтуллин

Тәрж. Р.Ғ.Ғилманов

 

Яндекс.Метрика