УСМАНОВ Шамил Ғәйепйән улы (24.10.1940, БАССР‑ҙың Күгәрсен р‑ны Үрге Сирбай а.), зоотехник. А.х. ф. д‑ры (2002). К.А.Тимирязев ис. Мәскәү а.х. акад. тамамлағандан һуң (1968) Күгәрсен р‑нының “Октябрь” с‑зында зоотехник‑селекционер булып эшләй. 1970—74 йй. 6‑сы “Геркулес” СДЮСШОР‑ында (Өфө), 1977 й. алып БДАУ‑ҙа уҡыта. Фәнни тикшеренеүҙәре һарыҡсылыҡ продукцияһын етештереүҙе арттырыуға, ш. иҫ. Башҡортостанда үрсетелгән һарыҡ тоҡомдарының (тексель һәм совет мериносы) ит сифатын камиллаштырыуға, арналған. 150‑нән ашыу фәнни хеҙмәт һәм 2 уйлап табыу авторы.

Хеҙм.: Технология получения и выделки кожевенного и шубно‑мехового сырья. Уфа, 1992 (авторҙ.).

Тәрж. Ф.Ғ.Ғәлиев